طريقة عمل مغناطيس بعجينة السيراميك | How to make air dry clay magnets

 

مرحباً،

في هذا المقال طريقة لعمل مغناطيس ثلاجة بعجينة السيراميك سريعة الجفاف

الأدوات:

عجينة سيراميك - ادوات التشكيل للطين - اداه الفرد - اسفنجة وموية - سطح عمل - قطعة قماش - ورنيش حماية - فرش الوان - الوان اكريليك - باليت الوان - ورق صنفرة - مغناطيس - صمغ يوهو

اول شيء ناخذ قطعة صغيره من العجينة 

نعجنها

 ونكورها 

ثم نفردها

طبعاً على حسب الشكل اللي تبغون 

هنا استخدمت المشرط وحاولت ارسم شكل غيمة

واشيل الحواف الزايدة

مررت عليها اسفنجة مبلله 

وحاولت انعم الأطراف بأصابعي 

طلعت حلوه ماعليها

سويت مثلها ٢

المشكلة اللي حسيت انها خفيفة

 

يعني مو سميكه العجينة فطلعت الغيمة نحيفة 

اتركهم على قطعة القماش ينشفون

والحين بجرب اسوي اشكال ثانية

اخذت قطع من العجينة

عجنت كل قطعة لحالها وكورتها

ثم ناخذ العجينة اللي كورناها ونحطها مباشره على المغناطيس

ونضغط عليه عشان تثبت

مثل كذا من وراء

ونشكلها باللي نبغى بس اهم شي ماندخل المغناطيس بزيادة

هذي بنفس الطريقة وشكلت العجينة بشكل حجر

وكملت بباقي العجينة أشكال ثانية

قطعت العجينة وسويت اكثر من شكل

عجنتها وكورتها

ثم فردتها

وقطعتها بشكل بيت

ونعمت الأطراف بنفس الطريقة على كل القطع

وتركتهم على قطعة قماش ينشفون كم يوم

سويت اشكال ثانية مثل التوست والبيض ورأس القط

بالنسبة للبيض عشان اثبت الصفار على البياض كان لازم نخدش السطح وبعدها اثبت الصفار على البياض وادمجهم مع بعض عشان يثبت الصفار على البياض ويكون مرتب شكلة

بعد مانشفو راح اصنفرهم 

اصنفرهم من كل الزوايا

وخطوة الصنفرة مهمة وتفرق كثير بالملمس والشكل 

وبعدها امسحهم بمنديل عشان بقايا الصنفرة تروح

 وبعدين الونهم بألوان أكريليك

لونتهم وتركتهم ينشفون

بعدها رسمت التفاصيل لبعضهم 

مثل القط والبيت 

استخدمت قلم ساكورا اسود 

الرسم والعمل ككل بسيط ولاهو متنقن بس عادي

بعدها بنثبت القطع بالمغناطيس

بعضهم مثل الكورة والاحجار ثبتنا فيها المغناطيس بوقت العمل 

اما الباقين بنصمغ المغناطيس عليها

مثل كذا 

نحط شوي صمغ على المغناطيس

ثم نثبتة على القطعة

ونتركهم ينشفون

بعد مانشفو باقي آخر خطوة وهي طبقة الحماية بالورنيش

عشان تحمي لنا القطعة من الخدش وتعطينا لمعة وحياة للعمل 

نحتاج ورنيش وفرشة وباليت

نحط طبقة وحدة من الورنيش تكفي

جربت اثبت المغناطيس على مسطرة حديد عشان اسهل لي اغطيها بالورنيش ولا يجي يدي ولا يخرب الشغل

حطيت ورنيش على الاشكال اللي رسمت عليها بالقلم

حسيتها شوي ساح او ذاب اللي رسمته بالقلم 

فننتبه نستخدم قلم ضد الماء او نستخدم الوان الأكريليك نفسها للرسم

وبس 

سهلة ولطيفة وكل اللي تتطلبة هو الإبداع وهذا يرجع لذائقة كل شخص

هذي هي النتيجة النهائية

ولا يقتصر الأمر على أشكال اعتيادية مثل اللي سويت

مجال الأبداع كبير ولا له حصر او حدود

وبما انها سيراميك فتعتبر شوي ثقيلة فعلى حسب الشكل اللي بتسوون تقيسون علية كم يحتاج من قطعة مغناطيس

وبعد بما انه سيراميك فممكن اذا طاح ينكسر لأنه ببساطة سيراميك

فيه عجينة ثانية للأمانة ماقد استعملتها لكن اعتقد انها ماتنكسر بسهولة

اللي هي عجينة الفيمو 

تجي ملونة ولا تنشف مثل هذي بالعكس تحتاج تنحط بالفرن عشان تنشف

هذي الأشكال اللي شكلتها كأحجار

وهذا التوست والبيض

ووجة القط اللطيف

البيت مع الغيوم

طريقة العمل على اليوتيوب: 

مراجع اخرى:

بنفس الطريقة لكن بدل المغنايس استخدمت الدبوس

وفي حساب هواية على البينتريست بتحصلون افكار اكثر واشكال مختلفة للمغناطيس في لوحة air dry clay magnets

تمت.