عن هواية | About Hobby

-




مرحباً ! هذي مدونة هِواية وهي عباره عن مدونة للأعمال اليدوية والتجارب الفنية، وعلى هذه المدونة أشارك أعمال يدوية متنوعة وطرق عملها 



هواية على مواقع التواصل الإجتماعي :






تعليقات

إرسال تعليق

المشاركات الشائعة من هذه المدونة

طريقة عمل حقيبة من الخرز | How to make a bead bag

-
صورة
  مرحباً، في اول تدوينة بتكون عن طريقة عمل حقيبة من الخرز، في اول تجربة لي كانت فيها اخطاء وكنت حاسه ان طريقة العمل معقده وصعبه  لكن قررت اعطيها فرصة ثانية واجرب !  اكتشفت انها سهله جدا وكلها غرزة وحده (إن صح التعبير بتسميتها غرزة) ولاهي معقده ولا صعبة! لعل السبب في التجربة الاولى اني شفت مقطع واحد فقط لطريقة عملها وكان المقطع طريقته مختلفة عن اللي راح اسويه اليوم (برأيي الطريقة هذي اسهل) . الأدوات : خرز - مقص - خيط سمك (ننتبه ان سمك الخيط يتناسب مع فتحه الخرز) * الخرز الصغير لازم له مقاس خيط انحف لان الطريقة تتطلب ندخل الخيط اكثر من مره بالخرزة الوحده، كل ماكان حجم الخرز صغير بنحتاج خرز اكثر ووقت اكثر والعكس كذلك. في البداية نقص الخيط على حسب حجم الشنطة اللي نبيه، هنا تقريباً قصيت 5 متر (كل ماكان الخيط طويل بيكون شوي متعب ويتعقد، ومو مشكلة اذا خلص الخيط بنص الشغل نربطة ونبدا نكمل بخيط جديد سهل جداً) الغرزة بإختصار: تشكيل ورده بـ 4 خرزات  في البداية ندخل 3 خرزات بمنتصف الخيط وبالخرزة الرابعه راح ندخل الخيطين بشكل اكس X  هنا صورة اوضح للخرزة الرابعه، هي ماراح تك...
Read more »

عمل بعجينة السيراميك مع القهوه والرمل | How to make air dry clay with coffee and sand

-
صورة
  مرحباً، في هذا المقال طريقة لعمل اشكال بعجينة السيراميك سريعة الجفاف مع القهوه والرمل الأدوات: عجينة سيراميك - ادوات التشكيل للطين - اداه الفرد - اسفنجة وموية - سطح عمل - قطعة قماش - فرشه الوان - ورق صنفرة - مشرط - صمغ خشب - رمل - قهوه مطحونة - قهوه سريعه التحضير  بالبداية بجرب العجينة مع الرمل   مافية شكل محدد ببالي يعني وانا اشتغل بشوف وش بيطلع معي بالنهاية  بالنسبة للرمل كان فية شوائب وشخلته بالمشخل قبل ابدأ   في البدايه أخذت قطعة كبيرة من العجينة فردتها شوي وحطيت كمية من الرمل كورتها وبديت اعجنها الى ان اندمج الرمل مع العجينة بكل الجهات كان الوضع فوضوي بس كملو اعجنو الى ان تتماسك العجينة اللي لاحظته هو ان العجينة تصير قاسية جداً وصعب اعجنها بسبب الرمل ومهما بللت يدي والعجينة الا انها صعبه حتى في التشكيل حاولت اسوي اشكال لكن مثل ماقلت العجينة ماتتشكل بسهولة صارت بس تتشقق  فقلت اسوي شكل سهل مايحتاج انحنائات او اي شي ممكن يسبب شقوق وصدوع  فردت العجينة واستخدمت كوب وقصيت الحواف  بعدها قلت بسوي شكل قلب واثبته فوقها وتصير مبخره للبخور العود وسويت ...
Read more »

طريقة عمل باليت خلط الألوان بعجينة السيراميك | How to make a mixing paint palette with air dry clay

-
صورة
مرحباً، في هذا المقال طريقة لعمل باليت خلط الألوان بعجينة السيراميك اللي تجف بالهواء بدون حرق  طبعاً نعرف ان عجينة السيراميك تجف بالهواء واذا تعرضت للبلل راح تخرب وتموع مره ثانية! لكن الحل هنا هو اننا نحط طبقات حماية بعد مانخلص، كل مازاد عدد الطبقات كان افضل  طبقة الحماية ممكن نستخدم:  ريزن طبقة وحدة منة تكفي  ورنيش ويكون اكثر من 4 طبقات او اي مادة عازلة ممكن صمغ الخشب او صمغ مود باج لكن يحتاج طبقات اكثر من الورنيش  اما اذا بنستخدم عجينة سيراميك اللي تحتاج حرق هذا امر آخر، فضلت استخدم اللي تجف بالهواء لانها اسهل من ان ادور مكان يحرق لي العمل  الأدوات: عجينة سيراميك تجف بالهواء (حجم العجينه المستخدم الكبيرة) - ادوات التشكيل للعجينة (نحتاج الشكل اللي بالصورة الثانية) - اداه فرد - اسفنجة وموية - سطح عمل - قطعة قماش - ورنيش حماية - فرش الوان - مسطرة حديد - ورق صنفرة  هذي الاداة اللي نحتاج اللي فيها حديد مفرغ هذا نوع الورنيش اللي استخدمت  من التعليمات اللي مكتوبة انه يجف ب 15 دقيقة وانه مايعطي لون اصفر، إذا تعرفون الورنيش او حتى الريزن مع الوقت يقلب ل...
Read more »

طريقة عمل مغناطيس بعجينة السيراميك | How to make air dry clay magnets

-
صورة
  مرحباً، في هذا المقال طريقة لعمل مغناطيس ثلاجة بعجينة السيراميك سريعة الجفاف الأدوات: عجينة سيراميك - ادوات التشكيل للطين - اداه الفرد - اسفنجة وموية - سطح عمل - قطعة قماش - ورنيش حماية - فرش الوان - الوان اكريليك - باليت الوان - ورق صنفرة - مغناطيس - صمغ يوهو اول شيء ناخذ قطعة صغيره من العجينة  نعجنها  ونكورها  ثم نفردها طبعاً على حسب الشكل اللي تبغون  هنا استخدمت المشرط وحاولت ارسم شكل غيمة واشيل الحواف الزايدة مررت عليها اسفنجة مبلله  وحاولت انعم الأطراف بأصابعي  طلعت حلوه ماعليها سويت مثلها ٢ المشكلة اللي حسيت انها خفيفة   يعني مو سميكه العجينة فطلعت الغيمة نحيفة  اتركهم على قطعة القماش ينشفون والحين بجرب اسوي اشكال ثانية اخذت قطع من العجينة عجنت كل قطعة لحالها وكورتها ثم ناخذ العجينة اللي كورناها ونحطها مباشره على المغناطيس ونضغط عليه عشان تثبت مثل كذا من وراء ونشكلها باللي نبغى بس اهم شي ماندخل المغناطيس بزيادة هذي بنفس الطريقة وشكلت العجينة بشكل حجر وكملت بباقي العجينة أشكال ثانية قطعت العجينة وسويت اكثر من شكل عجنتها وكورتها ثم فردت...
Read more »

طريقة عمل حقيبة من كانفس البلاستيك | How to make a plastic canvas bag

-
صورة
  مرحباً، تدوينة اليوم عن طريقة عمل حقيبة بالكانفس البلاستيك الكانفس البلاستيك هو عباره عن قطعة بلاستيك مخرمه بفتحات يستخدم بأكثر من طريقة وممكن نسوي فيه اشياء كثيره متنوعة مثل شنط او علب او ميداليات حتى كيف؟ بإختصار هو نقدر نقول نطرز عليه   يعني هو مثله مثل هذاك القماش اللي كنا نستخدمه للخياطه والتطريز نقدر نستخدم اي نوع من الخيوط سواء خيط صوف او غيره  لكن مهم يكون عريض او اذا كان الخيط نحيف ندبله بأكثر من خيط فيه طرق كثيرة للإبداع بها  شفت شنط مستخدمين شرايط بدل الخيوط وطالعه حلوه مره  فلا تحتكرون الموضوع على بس خيوط صوف لا ممكن نجرب بأكثر من خامه  في هذا العمل استخدمت خيط صوف عريض وشكلة غير ما اعرف اسمه كان مريح مره بالشغل وسهل خلصت العمل بسرعة وجربت اسوي غيرهم بخيوط نحيفة ودبلتها ٣ خيوط نوع الخيط كان متعب جدا في الشغل ويتعقد كثير العمل كان شنطه صغيره بس طولت عليها اكثر من الشنطة الكبيرة اللي بالصوف الأدوات :  كانفس بلاستيك - مقص - خيط صوف - ابره بلاستيك - مسطرة - قفل شنطة مغناطيس - مشبك تعليقة لحزام الشنطة  بالنسبة للحجم والشكل يعتمد على ...
Read more »

How to make a plate with air dry clay | طريقة عمل صحن بعجينة السيراميك

-
صورة
  مرحباً، في هذا المقال طريقة لعمل صحن بعجينة السيراميك اللي تجف بالهواء بدون حرق الصحن اللي بسوي فكرتة ببالي كانت احسن من الواقع اللي حصل ..  لكن جمال الأعمال اليدوية انها غير مثالية  الشكل اللي كنت ابغى اسوية هو شكل المسبح حق الاطفال اللي يجي ملون  مثل هذا والنتيجة ما كانت مثل المتوقع… الأدوات: عجينة سيراميك - ادوات التشكيل للطين - اداه الفرد - اسفنجة وموية - سطح عمل - قطعة قماش - ورنيش حماية - فرش الوان - الوان اكريليك - باليت الوان - ورق صنفرة اول شيء اخذت قطعة من العجينة وهي القاعدة للصحن بعدين راح اضيف الحواف حطيت قطعة القماش على سطح العمل لأن راح تسهل علي اني اشيل العجينة بدل ماتعلق بسطح العمل وبعدها عجنت العجينة كذا مره عشان تتماسك وفردتها بأداة الفرد لكن فرد بسيط لتسواي السطح مانبغى تكون القاعدة نحيفة مره ممكن تنقطع مع الشغل جبت غطى بشكل دائري بالحجم اللي ابغى وحددت اثر على العجينة وبعدها قطعتة سواء بالمشرط او بالغطاء اللي بتستخدمون وننعم الأطراف بالاسفنجة والموية والحين نبغى نضيف حواف الصحن راح نستخدم هذي الأدات ونعلم خدوش على اطراف القاعدة عشان  تنسجم...
Read more »

طريقة عمل حقيبة تسوق قماشية (توت باق) | How to make a canvas shopping bag (tote bag)

-
صورة
  مرحباً، تدوينة اليوم عن طريقة عمل حقيبة تسوق قماشية او مثل ماتسمى توت باق  راح اسوي طريقتين، او بالأحرى شكلين بإختلاف بسيط وحدة بتكون بقاعدة والثانيه لا، وطريقتين لعمل السير الخاص بها الأدوات:  قماش - خيط - متر - مسطرة - صابونه او قلم قماش - مقص قماش - مقص خيوط - مكينة خياطة - دبابيس - مشبك بالنسبة للمقاس اللي سويت هو اني اخذت نفس مقاسات توت باق قديمة عندي  وهي : الطول 40 سم، العرض 42 سم وبالنسبة لمقاس السير كان الطول 62 سم، والعرض على حسب اللي تبغون اذا بيكون سميك او نحيف  في البداية صفطت القماش عشان بعدين الخياطة بس تكون من اليمين واليسار مايحتاج اخيطه من تحت، وثبت القماش بالدبابيس عشان مايتحرك معي بعدها حددت المقاس بالصابونة وبالمسطرة اللي بزاوية عشان مايكون الخط مايل ونفس الشي سويت مع السير اني صفطت القماش وحددت المقاس بتقسيم 62 على 2 = 31سم  طبعاً سويت منه 2  ونثبت القماش بالدبابيس ثم نقص الشكل شلت الدبابيس عشان برجع احطها بعيد عن الأطراف بالنسبة لي استخدمت قماش بيج سادة، لكن اذا كان القماش اللي بتستخدمون بنقش لازم تراعون اتجاه النقشة، ولا ينفع ...
Read more »