How to make a plate with air dry clay | طريقة عمل صحن بعجينة السيراميك

 

مرحباً،

في هذا المقال طريقة لعمل صحن بعجينة السيراميك اللي تجف بالهواء بدون حرق

الصحن اللي بسوي فكرتة ببالي كانت احسن من الواقع اللي حصل .. 

لكن جمال الأعمال اليدوية انها غير مثالية 

الشكل اللي كنت ابغى اسوية هو شكل المسبح حق الاطفال اللي يجي ملون 

مثل هذا

والنتيجة ما كانت مثل المتوقع…

الأدوات:

عجينة سيراميك - ادوات التشكيل للطين - اداه الفرد - اسفنجة وموية - سطح عمل - قطعة قماش - ورنيش حماية - فرش الوان - الوان اكريليك - باليت الوان - ورق صنفرة

اول شيء اخذت قطعة من العجينة وهي القاعدة للصحن

بعدين راح اضيف الحواف

حطيت قطعة القماش على سطح العمل لأن راح تسهل علي اني اشيل العجينة بدل ماتعلق بسطح العمل

وبعدها عجنت العجينة كذا مره عشان تتماسك

وفردتها بأداة الفرد لكن فرد بسيط لتسواي السطح مانبغى تكون القاعدة نحيفة مره ممكن تنقطع مع الشغل

جبت غطى بشكل دائري بالحجم اللي ابغى وحددت اثر على العجينة

وبعدها قطعتة سواء بالمشرط او بالغطاء اللي بتستخدمون

وننعم الأطراف بالاسفنجة والموية

والحين نبغى نضيف حواف الصحن

راح نستخدم هذي الأدات ونعلم خدوش على اطراف القاعدة عشان  تنسجم مع الاطراف اللي راح نضيفها 

مثل كذا

وبالنسبة للاطراف واللي هي بشكل المسبح مثل ماتعرفون يجي طبقات 

اخذت قطعة من العجينة وخليتها بهالشكل 

واخذت المقاس حق القاعدة

ولان العجينة تنشف بالهواء كل شوي ارجع ابللها شوي بالاسفنجة او بالاصابع 

ورجعت بللت اللي خدشناه عشان نقدر ندمج القاعدة مع الاطراف

ونثبت الاطراف وحاولت اضغط عليها عشان تثبت بدون ما يخرب الشكل 

وبين كل خطوه والثانيه اذا حسيت بدت تنشف العجينة ارجع امسحها باسفنجة بمويه

بعدها رجعت بنفس الاداة وحاولت ادمج العجينتين مع بعض عشان ماتنفصل معنا بعد ماتجف

مثل كذا من جوا ومن برا

وبعدها بللت اصابعي وحاولت انعم اللي سويته عشان ادمجهم زين واخفي الخدوش

بعد مانعمتها طلعت ارتب

وبرجع اعيد نفس الشيء للحلقة الثانية من المسبح 

ونفس الحركة اني اخدش العجينة وادمجهم مع بعض

بس ما ابغى ادمجها تماما ويختفي الشكل وهذا اللي ماخلا الشغل مرتب

ان المسبح شكلة طبقات وكان صعب اني اثبت الطبقات بدون ما ادمجها زين

ونفس الشيء اعيد الطريقة اخدش ثم احط الطبقة الثالثة

وحاولت اني اخدش العجينة بكل الجهتين جهه الصحن والجهه اللي بثبتها عالصحن

واثبتها واقص الزايد وادمجهم سوا

بعد مادمجتها حسيت اندمجت بزيادة ولا صار واضح انه طبقات

رجعت احاول احدد الشكل باداة من ادوات التشكيل

وتركتها تجف اسبوع لكن هي تجف تقريباً بيومين

وكان باقي من العجينة وسويت صحن ثاني صغير وبسيط

قسمت العجينة قطعة كبيرة للقاعدة وقطعة اصغر للاطراف

نفس الطريقة نعجن العجينة ونفردها على قطعة قماش

وسويت الاطراف عريضة 

وثبتها على القاعدة بنفس الطريقة 

وقصيت الزايد منها

ودمجتها مع القاعدة 

الفرق بين الجهه اللي دمجتها واللي مابعد 

ونفس الشيء من برا 

وتركتها تنشف 

وبعدها راح نصنفر العجينة عشان تصير انعم معنا 

مثل ماقلت شغلي مو مثالي وكان صعب اني ادمجهم واحافظ على استدارتهم 

ونقطة ثانية اني كنت ابلل العجينة كثير بالموية ولعلها تسببت بتشققات بسيطة

كان ممكن اجيب قطعة عجينة وادمجها عشان اغطي التشققات بس ماحسيت الامر يستحق 

خاصة ان لازم افتح عجينة جديدة وبعدها اترك هذي تنشف 

بديت اصنفرهم من الداخل ومن الخارج

وبمنديل مبلل مسحت غبار الصنفرة من الصحن

والحين جا دور التلوين

جهزت الالوان حقت المسبح ولكل لون فرشة 

بديت بأول دائرة وكانت زهري 

طبعاً مفروض زهري لكن لاني دمجت احمر وابيض طلع معي وردي

ونفس الشيئ مع باقي الالوان كلها طلعت الوان باستيل مو مثل المسبح الوان فاقعة

حتى القاعدة مفروض ازرق طلع كأنة موف

والصحن الثاني لونته احمر واسود

بعد مانشفو حطيت عليهم طبقة ورنيش عشان تحافظ عليهم وعشان تعطي لمعة نهائية

طبعاً حطيت ورنيش بكل الجهات من برا وجوا وتحت 

واتركة ينشف تقريباً ياخذ ١٥ دقيقة 

ونفس الشي الصحن الثاني

النتيجة النهائية وواضح الفرق باللمعة 

صح مو مرتب ولا مثالي ولا الالوان مثل ماكنت ابي لكن حلو

ابداً مو متساوي بس عادي

والثاني صغير وبسيط

حلوين واستخدمهم بكذا طريقة بس غالباً للخرابيط الصغيرة اللي على المكتب

الطريقة على اليوتيوب:

مراجع اخرى :

تمت.