طريقة عمل حقيبة تسوق قماشية (توت باق) | How to make a canvas shopping bag (tote bag)

 

مرحباً،

تدوينة اليوم عن طريقة عمل حقيبة تسوق قماشية او مثل ماتسمى توت باق 

راح اسوي طريقتين، او بالأحرى شكلين بإختلاف بسيط

وحدة بتكون بقاعدة والثانيه لا، وطريقتين لعمل السير الخاص بها

الأدوات: قماش - خيط - متر - مسطرة - صابونه او قلم قماش - مقص قماش - مقص خيوط - مكينة خياطة - دبابيس - مشبك

بالنسبة للمقاس اللي سويت هو اني اخذت نفس مقاسات توت باق قديمة عندي 

وهي : الطول 40 سم، العرض 42 سم

وبالنسبة لمقاس السير كان الطول 62 سم، والعرض على حسب اللي تبغون اذا بيكون سميك او نحيف 

في البداية صفطت القماش عشان بعدين الخياطة بس تكون من اليمين واليسار مايحتاج اخيطه من تحت، وثبت القماش بالدبابيس عشان مايتحرك معي

بعدها حددت المقاس بالصابونة وبالمسطرة اللي بزاوية عشان مايكون الخط مايل

ونفس الشي سويت مع السير اني صفطت القماش وحددت المقاس بتقسيم 62 على 2 = 31سم 

طبعاً سويت منه 2 

ونثبت القماش بالدبابيس ثم نقص الشكل

شلت الدبابيس عشان برجع احطها بعيد عن الأطراف

بالنسبة لي استخدمت قماش بيج سادة، لكن اذا كان القماش اللي بتستخدمون بنقش لازم تراعون اتجاه النقشة، ولا ينفع تسوون هالحركة اللي تصفطون القماش وتقصون بدل ماتخيطون القاعدة لان حسب النقش ممكن ماينفع معكم فلازم تنتبهون لهالنقطة

بالنسبة للكيس حطيت الدبابيس على اليمين واليسار فقط لان من تحت مايحتاج، ومن فوق بنخليه بالنهاية اذا ركبنا السير حق الكيس

استخدمت طريقة الفرنسية للخياطة وهي اني راح اخيط على الحدود تقريباً وبعدها برجع اقلب الكيس واخيطة مره ثانيه، الشرح بيكون اوضح بالمقطع والمراجع اللي بحطها نهاية التدوينة

بعد ماخيطت الجهتين بغرزة سراجة عادية 

لكن المهم انها تكون قريبة للطرف ليش ؟ لان راح اقلب الكيس وارجع اخيط مره ثانية عشان ما ابغى ينسل مع الوقت ولان ماعندي مكينة السرفلة فهذي الطريقة تعطي نتيجة انظف من اني اتركة مثل ماهو، او ممكن نستخدم غرزة الزقزاق

 

مثل ماتلاحظون اني قلبت الكيس وخليت الخياطة عالطرف مره وثم خيطت مره ثانية 

وخيطتها من الجهتين بخط مستقيم

وكذا انتهينا من الكيس الحين باقي المسكات 

ومثل ماقلت فيه طريقتين سويتها وكلهم بنفس المقاس اللي ذكرت 

اول وحدة هي اني اخذت القماش وصفطته بالوسط وكويته، الكواية راح تسهل علينا الشغل

وثبتهم بالدبابيس قريب للجهه المغلقة

وخيطتها من الجهة المفتوحة 

بعدها اخذت مشبك ودخلته ببداية السير عشان اقلب السير وتكون الجهة المخيطة اللي تنسل على جوا

بهالشكل 

وكويتها عشان تترتب معي

ممكن تكتفون بهالشكل، لكن انا ما احب انها تكون تتحرك ؟ فقلت اخيطها عشان تثبت 

خيطتها من الأطراف يمين ويسار

بهالشكل

بالنسبة لي ما اعرف اخيط خط مستقيم دائماً يتعرج معي وخياطتي غير احترافية، بس عادي 

والطريقة الثانية هي اني صفطت القماش من اليمين واليسار مثل ماهو واضح بالارقام 

ومع كل صفطة كويتها عشان يثبت معي الشكل ويسهل علي 

وثبتها بالدبابيس 

وطلع شكله نحيف لأن صفطته اكثر من مره، فعشان كذا اذا تبغونه عريض لازم من البداية تقصون مقاس مناسب 

وخيطتة من اليمين واليسار

والحين باقي نثبت السير على الكيس 

اول شيء نخلي الكيس على الوجة الصحيح 

ثم ناخذ السير ونثبته بالدبابيس 

المسافة بين بداية الكيس الى المسكة 12 سم وبين المسكة والثانية نفس الشيء 12 سم او حسب البعد اللي تبغون

ونخيط المسكات غرزة مبدئية بس عشان تثبت معنا

بعدها نقلب الكيس بحيث الجهة النظيفة على جوا

ثم نصفط الطرف العلوي على جوا مرتين عشان نخفي جهه القماش اللي ينسل، ونكوي القماش عشان يثبت معنا ويسهل علينا 

ونثبتها بالدبابيس

وقبل مانخيط نزيد من شد الخيط إلى رقم ٤ أو ٥، لأن الطبقات كثيره خاصة مع السير 

ثم نخيط خطين مستقيمين من فوق وتحت 

مهم نثبت المسكة زين وعشان اضمن انها ماتنفك مع الوقت ثبتها بشكل مربع وممكن بعد تزيدون وتثبتونها بشكل اكس زيادة 

وبس خلصنا الكيس 

واذا نبغى له قاعدة راح نصفط الكيس من الزوايا تحت

ونرسم خط بحيث يطلع معنا مثلث، ونثبته بدبوس

ثم نخيط على الخط اللي رسمنا، اكثر من غرزة عشان نضمن انها ماتنفك 

ونقص المثلث الزايد

مانقص على حدود الخياطة بالضبط نخلي زيادة قماش 

وبس تطلع معنا بهالشكل 

حركة بسيطة لكن غيرت بالشكل، عن نفسي افضل هذي اكثر

 وهنا الطريقة على اليوتيوب:

وكالعادة هنا مراجع اخرى ساعدتني من اليوتيوب

تمت.