مدونة هواية Hobby

  مرحباً، في هذا المقال طريقة لعمل صحن بعجينة السيراميك اللي تجف بالهواء بدون حرق الصحن اللي بسوي فكرتة ببالي كانت احسن من الواقع اللي حصل ..  لكن جمال الأعمال اليدوية انها غير مثالية  الشكل اللي كنت ابغى اسوية هو شكل المسبح حق الاطفال اللي يجي ملون  مثل هذا والنتيجة ما كانت مثل المتوقع… الأدوات: عجينة سيراميك - ادوات التشكيل للطين - اداه الفرد - اسفنجة وموية - سطح عمل - قطعة قماش - ورنيش حماية - فرش الوان - الوان اكريليك - باليت الوان - ورق صنفرة اول شيء اخذت قطعة من العجينة وهي القاعدة للصحن بعدين راح اضيف الحواف حطيت قطعة القماش على سطح العمل لأن راح تسهل علي اني اشيل العجينة بدل ماتعلق بسطح العمل وبعدها عجنت العجينة كذا مره عشان تتماسك وفردتها بأداة الفرد لكن فرد بسيط لتسواي السطح مانبغى تكون القاعدة نحيفة مره ممكن تنقطع مع الشغل جبت غطى بشكل دائري بالحجم اللي ابغى وحددت اثر على العجينة وبعدها قطعتة سواء بالمشرط او بالغطاء اللي بتستخدمون وننعم الأطراف بالاسفنجة والموية والحين نبغى نضيف حواف الصحن راح نستخدم هذي الأدات ونعلم خدوش على اطراف القاعدة عشان  تنسجم...