طريقة عمل حقيبة تسوق قماشية (توت باق) | How to make a canvas shopping bag (tote bag)
مرحباً، تدوينة اليوم عن طريقة عمل حقيبة تسوق قماشية او مثل ماتسمى توت باق راح اسوي طريقتين، او بالأحرى شكلين بإختلاف بسيط وحدة بتكون بقاعدة والثانيه لا، وطريقتين لعمل السير الخاص بها الأدوات: قماش - خيط - متر - مسطرة - صابونه او قلم قماش - مقص قماش - مقص خيوط - مكينة خياطة - دبابيس - مشبك بالنسبة للمقاس اللي سويت هو اني اخذت نفس مقاسات توت باق قديمة عندي وهي : الطول 40 سم، العرض 42 سم وبالنسبة لمقاس السير كان الطول 62 سم، والعرض على حسب اللي تبغون اذا بيكون سميك او نحيف في البداية صفطت القماش عشان بعدين الخياطة بس تكون من اليمين واليسار مايحتاج اخيطه من تحت، وثبت القماش بالدبابيس عشان مايتحرك معي بعدها حددت المقاس بالصابونة وبالمسطرة اللي بزاوية عشان مايكون الخط مايل ونفس الشي سويت مع السير اني صفطت القماش وحددت المقاس بتقسيم 62 على 2 = 31سم طبعاً سويت منه 2 ونثبت القماش بالدبابيس ثم نقص الشكل شلت الدبابيس عشان برجع احطها بعيد عن الأطراف بالنسبة لي استخدمت قماش بيج سادة، لكن اذا كان القماش اللي بتستخدمون بنقش لازم تراعون اتجاه النقشة، ولا ينفع ...