طريقة عمل حقيبة من الخرز | How to make a bead bag
مرحباً، في اول تدوينة بتكون عن طريقة عمل حقيبة من الخرز، في اول تجربة لي كانت فيها اخطاء وكنت حاسه ان طريقة العمل معقده وصعبه لكن قررت اعطيها فرصة ثانية واجرب ! اكتشفت انها سهله جدا وكلها غرزة وحده (إن صح التعبير بتسميتها غرزة) ولاهي معقده ولا صعبة! لعل السبب في التجربة الاولى اني شفت مقطع واحد فقط لطريقة عملها وكان المقطع طريقته مختلفة عن اللي راح اسويه اليوم (برأيي الطريقة هذي اسهل) . الأدوات : خرز - مقص - خيط سمك (ننتبه ان سمك الخيط يتناسب مع فتحه الخرز) * الخرز الصغير لازم له مقاس خيط انحف لان الطريقة تتطلب ندخل الخيط اكثر من مره بالخرزة الوحده، كل ماكان حجم الخرز صغير بنحتاج خرز اكثر ووقت اكثر والعكس كذلك. في البداية نقص الخيط على حسب حجم الشنطة اللي نبيه، هنا تقريباً قصيت 5 متر (كل ماكان الخيط طويل بيكون شوي متعب ويتعقد، ومو مشكلة اذا خلص الخيط بنص الشغل نربطة ونبدا نكمل بخيط جديد سهل جداً) الغرزة بإختصار: تشكيل ورده بـ 4 خرزات في البداية ندخل 3 خرزات بمنتصف الخيط وبالخرزة الرابعه راح ندخل الخيطين بشكل اكس X هنا صورة اوضح للخرزة الرابعه، هي ماراح تك...